I Borghi di Octavia
Scarnafis, l’anlevament e ij formagg
Scarnafis, nominà “Sità dij Formagg”, e ‘l teritòri d’Octavia ancheuj a l’han, ënt la produssion ëd formagg, na leva motobin importanta dl’economìa local, pudend eufre al consumador na gròssa varietà ëd produssion, gropà sia a gròsse asiende che a cit produtor, che a deurbo le pòrte a j’estimador ëd costa ecelensa piemontèisa ënt ij sò pont vendita asiendaj e arlongh le manifestassion locaj. Part dël “Distret dij formagg” con Rufia e àutri comun, a artreuva ënt la produssion casearia, parèj come ënt l’anlevament dle bestie a la base dla filiera, l’element fondant dla soa identità teritorial.
«.«… a la capela dla Santissima Trinità, fondà scond le legende gnenti meno che dai Cavajer Templar.»
Dëscheurbe Scarnafis
Scarnafis a l’é ël pais dij doi tìtoj mondiaj, dij doi primà mondiaj e d’ën bordel d’àutre vitòrie e piassament portà da Maurissi Damilano ën 100.000 chilòmetro ‘d cariera da marciador.
Iv consijoma d’inoltreve longh le stradin-e dël borgh ch’as dësvlupo circolarment antorn a la Parochial dla Maria Vérgin Assunta e al grand Castel con la soa faciada ‘d mon ross. Àutri edifissi da noté, ënt ël bel sénter ëstòrich, a son ël Municipio, ël Colegi e la Confraternita ‘d Santa Cros, che dal 2019 a l’é ën sénter multimedial dedicà a Octavia. Na spasgiada ënt ij camp ch’a circondo ‘l pais av porterà al Santuari dël Crist con ij sò notàbij afresch dël Quatsent e a la capela dla Santissima Trinità, un dj’edifissi ëd cult pì antìch d’Octavia, fondà scond le legende gnenti meno che dai Cavajer Templar.
Castel dë Scarnafis
![scarnafigi-castello-verticale](http://www.tuttodiriso.it/wp-content/uploads/2021/11/scarnafigi-castello-verticale.jpg)
Confraternita Santa Cros
![scarnafigi-confraternita-santa-croce-verticale](http://www.tuttodiriso.it/wp-content/uploads/2021/11/scarnafigi-confraternita-santa-croce-verticale.jpg)
Cesa ‘d Maria Vérgin Assunta
![scarnafigi-maria-vergine-assunta-verticale](http://www.tuttodiriso.it/wp-content/uploads/2021/11/scarnafigi-maria-vergine-assunta-verticale.jpg)
Capela dla Santissima Trinità
![scarnafigi-cappella-santissima-trinita-verticale](http://www.tuttodiriso.it/wp-content/uploads/2021/11/scarnafigi-cappella-santissima-trinita-verticale.jpg)
Santuari dël Crist
![scarnafigi-santuario-del-cristo-verticale](http://www.tuttodiriso.it/wp-content/uploads/2021/11/scarnafigi-santuario-del-cristo-verticale.jpg)
Capela dël Sant Sudari
![scarnafigi-cappella-del-santo-sudario-verticale](http://www.tuttodiriso.it/wp-content/uploads/2021/11/scarnafigi-cappella-del-santo-sudario-verticale.jpg)
Scarnafis si racconta
Edificà dël 1757, a l’é dedicà a la Vérgin Santissima dla Concession. L’edifissi as treuva ën slë stàbil ch’a j’era prima con capela ‘d proprietà dl’antichissima Confraternita ‘d Sant Spìrit, ativa a Scarnafis fin-a al 1400 e che as ocupava dl’assistensa ai pòver. L’intern a conserva ën cicl ëd piture ën sla vita dla Madòna, euvra dël Morgari (prinsipi dël sécol XX). Tacà a la cesa as treuva la residensa për ansian dla Congregassion ëd Carità fondà dël 1720.
Ël compless dël Colegi e dla Cesa dle Mission as treuva arlongh la lèja arbrà che dal sénter dë Scarnafis a pija la diression ëd Salussi. Costruì tra ‘l 1844 e ‘l 1847 e donà a l’Ordin dij Fieuj ëd San Vincens, che dël 1848 a l’han ancaminà a predicheje j’esercissi al Clero e a j’Ordinand, la strutura a l’ha conossù na longa decadensa. Dël 1890 a l’é diventà sede dla Scòla Apostòlica e ën colegi làich con scòle elementar e ginasiaj. Dal 1981 ël Colegi a l’é stàit sarà për via ‘d problema econòmic grev, për la mancansa dë student seminarista. Dël 2001 l’edifissi a l’é stàit catà da privà, ch’a l’han ristruturalo. La part interna a l’é stàita completament ricostruìa, mersì a ‘d volumetrìe dë struture precedente, e a l’é diventà residensa për ansian e sénter ëd riabilitassion pòst-traumàtich.